11 Dhjetor 2018, 11:49

'Keep the protest as you want', Rama responds to student calls

'Vazhdojeni protestën sa të doni', Rama u përgjigjet thirrjeve të studentëve

XING

'Vazhdojeni protestën sa të doni', Rama u përgjigjet

Ditën e sotme në rrugët e qytetit të Tiranës është shtuar ndjeshëm numri i të rinjve protestues, të cilët nuk pranojnë bashkëbisedime me qeverinë. Ata kanë rrethuar Ministrinë e Arsimit dhe nuk ndalen me thirrjet e tyre, duke kërkuar ti plotësohen 8 kushtet e vëna.

'Vazhdojeni protestën sa të doni', Rama u përgjigjet

Kryeministri Rama ka reaguar nëpërmjet një statusi në profilin e tij në Facebook, ku sqaron edhe njëherë se asgjë nuk mund të arrihet pa bashkëbisedim. Ai është dakort që protesta të vazhdojë, por mendon se në një pikë kjo gjë duhet të marrë fund dhe të dyja palët duhet të ulen e të vendosin për të ardhmen.

'Vazhdojeni protestën sa të doni', Rama u përgjigjet

"Të dashur protestues,

‪Kjo s'është një lojë force, as një lojë kungulleshkash dhe as një lojë e ka kush e ka. Vazhdojeni protestën sa të doni, po ngrini urën e komunikimit me qeverinë. Unë ju pres në çdo orë që të doni dhe jam gati të punoj me ju, jo për t'i dhënë përgjigje pozitive 8 pikave po e po, por për ta kthyer këtë moment, në çeljen e një faze të re transformimesh për universitetin. ‬

‪Do të ishte hera e parë në historinë e protestave në botë, që protestuesit kërkojnë nga qeveria plotësimin e disa kërkesave dhe s'duan të ulen në tryezë me qeverinë që u thotë hajdeni t'i plotësojmë! (Mbase "tryeza e qeverisë" është një term që e kufizon imagjinatën, po fare mirë mund të takohemi në sallën e parlamentit në sytë e gjithë popullit shqiptar. Ju 140 plus tërë karriget e ministrave me 8 pikat tuaja dhe unë përballë jush, me 8+ pikat e mia:-)

‪Kujdes nga kushdo ju mëson t'u jepni ultimatume atyre që ju shtrijnë dorën e bashkëpunimit, sepse ju mëson si të bëheni humbës në jetë! Ndërsa kush kujton se një qeveri mund të kuptojë gjuhën e ultimatumeve, ndërkohë që vetë qeveria flet me gjuhën e Dialogut, e ka gabim. Nëse ju keni lënë mësimin për ta bërë universitetin më të mirë, bujrum të ulemi dhe të fillojmë punën bashkarisht për këtë qëllim pa humbur kohë. Çfarë presim?‬

‪Ju jeni 10 mijë, studentët në Shqipëri janë 140 mijë. Ju flisni dhe s'doni të dëgjoni, unë i dëgjoj të gjithë dhe dua të flas edhe me ju. Ju keni 1 pikë pastaj bëhen 4 pika dhe më pas shkojnë 8 pika, ndërsa unë kam më shumë se 8 pika. Në parim jam dakord me pikat tuaja, por secila prej tyre duhet zbërthyer dhe kthyer në një politikë financimi, investimi apo administrimi. ‬E kjo nuk bëhet si gjëagjëzë në distancë, po si produkt i punës së përbashkët me laps e me letër.

‪Ju e dini vetë, po unë jam me ju jo me Ariun dhe Ariun se keni në qeveri po brenda e rrotull jush."- ka shkruar Rama në postim.