Eneda Tarifa thyen heshtjen: Flet më në fund për lajmin e ndarjes nga bashkëshorti
Rreth një muaj më parë, në mediat rozë qarkulloi lajmi se këngëtarja e famshme shqiptare Eneda Tarifa ishte ndarë nga bashkëshorti i saj gjithashtu artist, Erion Zaloshnja.
Gjatë këtij muaji, Tarifa ka zgjedhur të mos e komentojë lajmin, por sot, për herë të parë, ajo ka folur rreth kësaj çështjeje në emsionin ‘Pop Culture”, ku është shprehur se me historinë e saj është abuzuar në media.
“Këta të prekin familjen, gjërat më të shtrenjta, pjesë të jetës dhe historisë tënde, të futen në të mbathura.”-u shpreh e revoltuar këngëtarja, por në vijim të intervistës, duket se në njëfarë mënyre konfirmoi ndarjen nga bashkëshorti, duke folur për historinë e tyre si diçka e shkuar.
“Historia ime ishte e qetë, shumë e bukur, shumë interesante. Ndihem e fyer për këtë fakt, që njerëzit mundohen të hedhin baltë.”-u shpreh Tarifa, e cila me Erion Zaloshnjën, ka një vajzë 5-vjeçare.