Sherri në kopsht/ Rrëfehet edukatorja e dhunuar: Ja përse më rrahu drejtoresha
Një ngjarje tronditëse ka shqetësuar opinionin publik ditën e sotme në qytetin e Korçës, ku Laureta Asllani, drejtoreshë e një kopshti të qytetit, ka dhunuar një prej edukatoreve.
Edukatorja Zana Brahimllari ka denoncuar në polici drejtoreshën, duke dëshmuar se është dhunuar në ambientet e klasës, në sy të fëmijëve të mitur. Arsyeja pas dhunës, sipas saj është bërë një ankesë nga një prind.
“Jam dhunuar nga drejtoresha e kopshtit pasi ajo pretendon se një prej prindërve është ankuar për sjelljen time. Ka ardhur duke më bërtitur dhe ndërsa unë e kam mohuar, më ka dhunuar.”-mësohet të ketë dëshmuar Brahimllari në polici.
Si pasojë e dhunës, edukatorja është paraqitur fillimisht në spital për të marrë mjekim, e më pas i është drejtuar komisariatit për të bërë një kallëzim për Asllanin. Vijon hetimi për zbardhjen e ngjarjes. Burimi: Blakanweb